السلام عليكم ورحمة الله وبركاته
موضوعي فكرت اكتبه بعد مخلصت مناقشة مع صديقة
كنا بنتكلم عن الصديقات والحب في الله والخداع اللى اصبح
حاجة عادية في زمننا دى كانت بتشتكي لي عن بعض الصديقات وانهم اتغيرو
من غير اي سبب وانهم بعدو من غير مبرر وكانت كثير زعلانه على ما وصلنا ليه
واننا مبقيناش نعرف نحافظ لا على صداقة ولا حب في الله
قولتلها انى من فترة قصيرة تعبت من انتهاء صادقة مع صديقة
اعتبرتها كل حاجة في حياتى بس للاسف انتهت باسوء طريقة وانى تعبت ورقدت في السرير
اكثر من 10 ايام بس اتعلمت فيهم حجات كثيرة وقمت من التعب اقوى من الاول بكثير
وانه في مرضي عرفت مين الصديقة الصادقة لانه مش بنعرف الصديق الا في الشدة
بس فكرت كثير في مرضي ازاي ممكن اتعامل مرة تانية مع الناس وبالخصوص مع الاشخاص
اللى تعبت عشانهم هي بتقولي انا حاعمل بالمثل اللى مش يكلمنى مش حكلمو وحتى لو كلمونى مش حرد عليهم
بس انا مش من رايها انا عرفت انه الحب لله هو اصلا لله سبحانه وتعالى مش عشان اي مصلحة
او اي شيء يبقى مش حقطع على اي حد وحتى لو كلمونى حتكلم كويس لاني بعامل ربنا
في تعاملاتى واحتسب كله لله سبحانه وتعالى واعمل الكويس مع الكل مع مراعة انى افضل عادى
واساعد اللى يطلب مساعدتى ومش اجرح اي حد وارد بالمثل صديقتى مش من راي وبتقول العين بالعين
والسن بالسن انا عن نفسي حتعامل زي ماامرنا ربنا واعامل كويس حتى لو كانت اساءة لانى بكدى
برضي ربنا وبكون حبيت في الله ولله مش لاي سبب تانى
ايه رايكم بنات كلامى صح ولا غلط ?
وايه رايكم في كلام صديقتى اننا نرد الاساءة بالمثل ?
وانتو لو حصل معكم ايه حيكون تصرفكم ?
اتمنى انى مكنش طولت عليكم في الموضوع
تقبلو تحياتى وتقديري
بقلم اختكم المتواضع
مدام زوزو
[ندعوك للتسجيل في المنتدى أو التعريف بنفسك لمعاينة هذه الصورة]
